Akademia e Lidershipit në Buçimas

Ashtu siç ishte planifikuar në fillim të këtij viti Akademia e Lidership filloi! Ky projekt është një bashkëpunim i ngushtë ndërmjet xpand (Hollandë) dhe Fondacionit NEHEMIA (Shqipëri). xpand Hollandë është një zyrë konsulence për kompani dhe organizata dhe operon në disa vende të Bashkimit Evropian. Bashkëpunimi i xpand me NEHEMIA-n daton që në 1992 dhe ka qenë i vazhdueshëm dhe i frytshëm përgjatë gjithë këtyre viteve. Kjo akademi ka për qëllim të zhvillojë drejtues me karakteristika shërbyese, kompetentë dhe të shëndetshëm, si dhe të mësojë artin e lidershipit. I njëjti modul do të jetë gjithashtu pjesë e programit akademik të Universitetit NEHEMIA. Trajnuesit janë Z. Paul Donders, Z. Andreas Donath dhe Z. Andreas Bunz, të cilët janë bashkëpunëtorë të xpand Hollandë. Z. Paul Donders është gjithashtu një nga miqtë e NEHEMIA-s, i cili nuk ka rreshtur së motivuari, mbështetur dhe koontribuar në punën e fondacionit që prej 1992. Në fund të kësaj Akademie të gjithë pjesëmarrësit do të pajisen me një çertifikatë, e cila është e njohur në vendet e Bashkimit Evropian.